أدب وأشعار
قوارب السهر
الشاعرة إيمان أحمد يوسف مصر
ياه يامتغرب
فايت قوارب السهر
من غير شطوط
سايب لنا ذكرى القمر
ع الليل تفوت
شغف النجوم
ف حنين يدوب
شوق السنين
حضن القلوب
الشمس بعتالك دفا
والبحر باعت لك نسيم
واللمه تتمنى السمر
آه ياأمل
ويا السلام والانسجام
والابتسام بين الكلام
حتى قصايد شعرنا
بين الحياه بتهزنا
وتحبنا ٠٠وتضمنا
ياريت ياغالي
تعود لنا
ويامشاعرك عمرنا
لحظات سعادة بتندهك
تتمنى ترسي ع الشطوط
مستنيين لحظة لقا
تبدر حنانك ع الوجود
ياه يامتغرب
إمتى تعود
من ديوان احتواني الانتظار
