أدب وأشعار

في الهوا مجاريح

الشاعرة:قوت القلوب

في الهوا مجاريح

مقالات ذات صلة

الجرح ممات..
والحزن ممات..
واحنا المجاريح كل الأوقات
بنحاول نشحت نقطة فرح
من بير الدنيا اللي معاكسه
ونشوف مرايات الروح عاكسه
صورة مساكين
ف نعافر ونداري جروحنا
ونحاول نضحك علي روحنا
ونقول عايشين
وبنفضل دايما بين طريقين
بنضفر أوجاعنا بجمله
مافيهاش غير آه
بنحاول رغم جراح الروح
نتماسك..
نخرج م المعاناه
وندوس أسفلت بلون الليل
وتراب علي جنب ف قلبه حياه
وف بطنه حكاوي من الماضي
تشبه حكاياتنا وحكاوينا
إزاي بنضيع أحلامنا
وازاي بنتوه من أمانينا
والدنيا ازاي لعبت بينا
وسابتنا ف زحمة أيامها
بنعافر..
ويا حروف الآاااه.

 

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
مرحباً بكم في الإخبارية العربية هل ترغب في تلقي إشعارات بآخر الأخبار؟ لا نعم