أدب وأشعار

صحاري الروح

صحاري الروح

 

الشاعرة إيمان أحمد يوسف مصر

صحاري الروح
بقى لها عش
وطبيعة ولون
زارت معالمها
طيور الكون
وأتبدد يأس
الحالة السابقة
ورتابة كل الأحوال
اللي بتشبه بعض
بفرحه صحوه حاضر
بيهز ثمار النخل
الناضج على يوم الصدفه
المرويه حقيقة وصدق
ياسوسنه الريق العذب
وطعم السحر المتوهج
في كواكب حضن
ياسندس النفس
الشغوفة للأستكانة
يانجوم ليها مكانه
بانت لها سماوات وأرض
وبقي لها أغنيات وصوت
وأدين بتعزف ع الحنان
بموسيقى حب
ياصحاري الروح
بقى ليكي عش
يامرايه الدنيا
بقى ليكي وش
وربيع وزهر
وشجر المزهر
ياكهرمان زمن الصفا
ديمومه بين وعد ودفا
يارغبه الشوق للعسل
يانبع شهد
بيتغسل بيه الألم
يصبح أمل ف وجود قمر
ياعوده الذات
اللي ضلت السكة
ومش طايلها نور
إتحرر الضعف
اللي مسكون بالفتور
وألا نهايات قفلت
طرق السفر
والانفلات ٠٠
لكن قدر حدف الصدف
من غير ميعاد
وآن الأوان
نلقى البلاد
وصحاري روحي ترتوي
ويبقى لنا عش
من ديوان النيل واعدني

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
مرحباً بكم في الإخبارية العربية هل ترغب في تلقي إشعارات بآخر الأخبار؟ لا نعم