السماح

الشاعرة: إيمان أحمد يوسف مصر
ماتشوشوش الفكر
ماتشوهوش الكون
الحلم لسه بكر
والعمر مابيهون
سيبوا الأمور تهدي
والنفس تتصافا
وبلاش تخلوا الغل
ف القلب برصاصة
ياخلق ليه الشر
دا الخير بيزرعكوا
ليه الشيطان فيكوا
للحقد ينزعكوا
فين الكلام الحلو
والفعل بالطيب
هاتوا الادين تتلم
دا الحب مايعيب
ياعمر يازاير
ياكاسنا ياداير
غطي على اللي راح
كافانا لوم ونواح
نتمنى قلب براح
عنوان وجوده سماح
من ديوان يافرح صاحبني