أدب وأشعار
ابتسامة شجن
الشاعرة إيمان أحمد يوسف مصر
لولي الندى
لمح إبتسامة شجن
بتطل من عين الحياة
قافل على الحلم النجاه
هفهافه لطمات الزمن
مرسومة فوق
برواذ وجود
متهيبه حزن وأسي
مستغربة ليه اتنسي
شوق النسيم
ع البورتوريه
لوحه بفرشة ملونة
تستنى غنوه ممكنة
جوه التفاؤل تبتدي
تنور قلوبنا المعتمة
تطلق عنان
أبعاد أزمته
فينطفي الوجه الخفي
جوه نهار ماينطفي
يبتسم الشجن العفي
ويحضن شعوري بالفرح
جواه حبات الندى
