أوراق الود
بقلم/ إيمان أحمد يوسف
لسه معايا
غلاف باكو الشيكولاته
وذكري بتغزل أعمارنا
وتلضم ف الأيام
وعيون أوراق الود
المسقي بغيره النادي وحاولت اقراه
له قلب كبير
لكنه غرقان ف هموم
هعلى طرف حديثه الهادي
ودموعه المكنونه ف صدره
على اد مادوران
القمرايه على وشه
لكنه حزين
وبيداري ف بسمه
بقالها سنين
كان طعم الشيكولاته
ف حلقي
طفوله وإحساس وخيال
كان راجع لزمان
سحبتنا اللحظه
ف براح البهجه
وبرائة شدو وفائه
اطلال اللحن ف صوته وحواسه تتحس ف روحه
وف لمعه نني عيونه
يتحلى بصبر البدر ولونه يتكلم عن نفسه
وكأنه بيغني من منبر على مسرح
بجميع المقامات الموسيقية وبيعزف
شوق إمبارح على ضي جوارح بتجرح
أحلامه لساه بيعافر ف بحور النشوي ويلملم ف الباقي
من عمره بيحاول يهرب من نفسه
في وسط الناس لكنه بيتوحد أحيانا
مع حزنه برغم نجاحه وجميع الأحداث
إنما موجوع من ذكرى ورحله ملفوفه
على غصن الإحساس
من ديوان احتواني الانتظار.
